Ҷумҳурии Федеративии Олмон

Ҳамкориҳо баҳри рушд

Олмон аз соли 2003 инҷониб барои Тоҷикистон шарики ҳамкориҳо баҳри рушд ба ҳисоб меравад. Ҳамасола миёни ҳайатҳои ҳарду кишвар музокирот ва машваратҳои байниҳукуматӣ оид ба ҳамкориҳои молиявӣ ва техникӣ баргузор мегарданд, ки дар рафти онҳо доираи васеъи ҳамкориҳои ҳарду кишвар дар бахшҳои рушди босуботи иқтисод, беҳдошти омма, сарчашмаҳои энергияи таҷдидшаванда, таълими ибтидоӣ, ҳифзи муҳити зист, ислоҳоти соҳаи ҳуқуқ ва ҷилавгирӣ аз офатҳои табиӣ мавриди баррасӣ қарор меёбад. Моҳи октябри соли 2017 дар шаҳри Душанбе машваратҳои навбатии байниҳукуматии Тоҷикистону Олмон оид ба ҳамкориҳои молиявию техникӣ баргузор гардиданд. Дар рафти ин машваратҳо иҷрои бандҳои Протоколи қаблии ҷаласаи байниҳукуматии Тоҷикистону Олмон баррасӣ гардида, масъалаҳои ҳамкориҳои ҳарду кишвар дар давраи минбаъда ба хотири рушди устувор муҳокима гардиданд.

Ҷониби Олмон ба дастгирии минбаъдаи Ҷумҳурии Тоҷикистон дар татбиқи бандҳои Стратегияи миллии миёнамӯҳлати рушд барои солҳои 2016-2022 ҳавасманд мебошад. Олмон шурӯъ аз соли 2003 дар чаҳорчӯбаи ҳамкориҳо баҳри рушд дар ҳаҷми миллионҳо евро кумакҳои молиявӣ ва техникӣ пешниҳод намудааст. Айни ҳол дар Тоҷикистон Ҷамъияти ҳамкориҳои байналмилалии Олмон (GIZ), Маркази муҳоҷирати байналмилалӣ (CIM), Намояндагии Бонки Олмонии Рушд (KfW), Дафтари Агроаксия (Welthungerhilfe) ва намояндагии созмони Каритас (Caritas) фаъолият дошта, татбиқи маблағҳои техникиву молиявӣ ба ӯҳдаи онҳо гузошта шудааст. Намояндагии Бонки Олмонии Рушд (KfW) дар таҷдиду бозсозии баъзе иншоотҳои гидроэнергетикии кишвар низ ташаббускор мебошад. Моҳи июни соли 2010 дар чаҳорчӯби Созишномаи байниҳукуматӣ миёни Ҷумҳурии Тоҷикистон ва Ҷумҳурии Федеративии Олмон Бонки  “Access Bank Tajikistan” таъсис ёфт.

Дар ҳолати 1 октябри 2018

Суроғаи мо:

Perleberger Str. 43
D-10559 Berlin
Telefon: +49 30 347930-0
Telefax: +49 30 347930-29
info@botschaft-tadschikistan.de